پنجاب کے وزیر صنعت و تجارت میاں اسلم اقبال کا کہنا ہے کہ پیر سے پنجاب میں ٹرانسپورٹ حفاظتی اقدامات مکمل کرتے ہوئے چلےگی، ایک ہی خاندان کے افراد کے لیے خالی سیٹ چھوڑنےکی پابندی نہیں ہوگی۔
میاں اسلم اقبال نے کہا کہ ڈرائیور اور کنڈیکٹر سمیت تمام مسافروں کے لیے ماسک پہننا لازم ہوگا۔
انہوں نے کہا کہ اڈے سے روانگی سے قبل بس میں جراثیم کش اسپرے کرنا لازمی ہوگا۔
وزیر صنعت پنجاب نے کہا کہ زائد کرائے، زیادہ مسافر بٹھانے، کورونا ضوابط کی خلاف ورزی پر بھرپور کارروائی ہوگی۔
میاں اسلم اقبال نے کہا کہ پنجاب کے تمام بڑے ٹرانسپورٹرز نے حکومتی ضوابط کو خوشدلی سے قبول کیا ہے، کورونا وائرس کا پھیلاؤ روکنے کے لیے ٹرانسپورٹرز کی مشاورت سے ضوابط تیار کیے گئے ہیں۔
انہوں نے کہا کہ چند ایک سیاسی وابستگیاں رکھنے والے ٹرانسپورٹرز کے سوا تمام نے حکومت کی ایس او پیز پر عمل درآمد کی یقین دہانی کروائی ہے۔
No comments:
Post a Comment