پنجاب میں ٹرانسپورٹرز کا کل سے بسیں چلانے سے پھر انکار

پنجاب میں ٹرانسپورٹرز نے مطالبات نہ مانے جانے پر کل سے اپنی بسیں چلانے سے انکارکر دیا ہے۔

ٹرانسپورٹ ایسوسی ایشن کا کہنا ہے کہ مطالبات نہ مانے جانے تک ہم بسیں نہیں چلائیں گے کیونکہ لاک ڈاؤن کی وجہ سے ہمارا پہلے ہی بہت نقصان ہوا ہے۔

ایسوسی ایشن کا کہنا ہے کہ دو سیٹوں پر ایک مسافر نہیں بٹھا سکتے، بس میں جتنی سیٹیں ہیں اتنے ہی مسافر بٹھائیں گے۔

ان کا کہنا ہے کہ وزیرِ قانون سے میٹنگ میں ہمارے مطالبات تسلیم کیے گئے تھے۔

واضح رہے کہ پنجاب حکومت ایس او پیز پر عمل درآمد کے ساتھ کل سے پبلک ٹرانسپورٹ چلانے کی اجازت دے چکی ہے، جبکہ شاپنگ مالز، آٹو انڈسٹری اور پاور لومز بھی کل سے کھل جائیں گی۔