رہنما پی ٹی آئی خرم شیر زمان نے کراچی میں پریس کانفرنس کرتے ہوئے کہا کہ ہم مطالبہ کرتے ہیں کہ ایس او پیز کے تحت ٹرانسپورٹ کو کھولا جائے اور سندھ میں انٹر بس سروس شروع کی جائے۔
خرم شیرزمان نے کہا کہ ہم چیف جسٹس کے بڑے مشکور ہیں، ہم نے چیف جسٹس سے سندھ پر نوٹس لینےکی درخواست کی تھی۔
اُنہوں نے کہا کہ پیپلزپارٹی کے ساتھ ہماری جنگ چل رہی ہے کیونکہ لاتوں کے بھوت باتوں سے نہیں مانتے۔
رہنما پی ٹی آئی نے کہا کہ آج سے ملک بھرمیں شاپنگ مالز کھول دیےجائیں گے لیکن پیپلز پارٹی کا کراچی کے تاجروں کے ساتھ رویہ نامناسب ہے۔
خرم شیر زمان نے کہا کہ کے پی اور پنجاب نے دو دن قبل مالز کھول دیے تھے اور یہاں سندھ حکومت سے ابھی تک ایس او پیز نہیں بن سکیں۔
اُنہوں نے سندھ حکومت سے مطالبہ کرتے ہوئے کہا کہ چاند رات تک مارکیٹوں کو 24 گھنٹے کھولا جائے۔
رہنما پی ٹی آئی کا کہنا تھا کہ پیٹرول پمپ کو بند کرنے کی وجہ سمجھ نہیں آرہی اور کل میں نےدیکھا کہ شارع فیصل کو بھی بند کردیا گیا ہے۔
اُن کا مزید کہنا تھا کہ مسجدوں کے لیے بھی فوری نوٹیفکیشن نکالا جائے۔
دوسری جانب چیف جسٹس پاکستان گلزار احمد نے ملک بھر کے شاپنگ مالز کھولنے سمیت ہفتے اور اتوار کو بھی تمام چھوٹی مارکیٹیں کھلی رکھنے کا حکم جاری کردیا۔
No comments:
Post a Comment